Lider Libieralna‑demakratyčnaj partyi Siarhiej Hajdukievič stvaraje błok «Novaja Biełaruś — Adzinstva».
«Siońnia ja nakiravaŭ list na imia kiraŭnika prezidenckaj administracyi Uładzimira Makieja,‑‑ skazaŭ Hajdukievič. — My prosim dazvołu na arendu Pałaca Respubliki dla praviadzieńnia tam kanhresu z udziełam 2,5 tysiač delehataŭ. Nas zadavalniaje luby uik‑end, pačynajučy z 20 traŭnia i da kanca lipienia. My zaprašajem na forum haściej z «Adzinaj Rasiei», «Spraviadlivaj Rasiei» i ŁDPR, a taksama z Partyi rehijonaŭ.
Kali z Pałacam respubliki nie atrymajecca, my zhodnyja skaracić kolkaść delehataŭ da tysiačy i pravieści mierapryjemstva u kinakancertnaj zali «Minsk». Dumaju, što naš zvarot budzie čarhovym testam dla ŭładaŭ na libieralizacyju situacyi ŭ Biełarusi».
Spadar Hajdukievič skazaŭ, što pakul nie maje prava nazyvać kankretnych udzielnikaŭ novaha błoku. Ale žadajučych u jaho ŭstupić navat bolej, čym jon čakaŭ. Lider ŁDP taksama skazaŭ, što akramia stvareńnia novaj hramadskaj arhanizacyi, na mierapryjemstvie buduć razhladacca jašče dva pytańni:
Zaćviardžeńnie prahramy patencyjnaha kandydata ŭ prezidenty Biełarusi ad ŁDP Siarhieja Hajdukieviča.
Zaćviardžeńnie składu inicyjatyŭnaj hrupy Siarhieja Hajdukieviča.