Učora sa źjaŭleńniem druhoj zorki pačałosia habrejskaja śviata Pejsach, jakoje adznačajecca ŭ pamiać ab vychadzie synoŭ Izraila na čale z prarokam Majsiejam ź jehipieckaha pałonu. Padčas śviata, jak kažuć habrejskija mudracy, « habrej u kožnym pakaleńni pavinny hladzieć na siabie tak, nibyta jon sam asabista vyjšaŭ ź Jehiptu».
Habrejskaje śviata voli padoŭžycca cełych vosiem dzion: jano hetkaje doŭhaje, što ŭ judaiźmie navat vynajšli aznačeńnie dla bolšaści dzion śviata — «śviatočnyja budni».
Darma što akramia prasnakoŭ u habrejaŭ na peschalnym stale jašče šmat abaviazkovych stravaŭ i napojaŭ: chren, jajki, horkaja zielanina, čatyry čarki vina, salonaja vada, adnak u kalektyŭnaj pamiaci inšych narodaŭ z hetym śviatam stała acyjujecca maca, prasnaki, zroblenyja ź ciesta, jakoje nie paskoryli zakvasicca. Na praciahu ŭsiaho śviatočnaha tydnia jeści i pić kvasnoje pabažnym judejam nie možna. Pavodle ahienctva interfax.by u Biełaruś zavieźli 5 tonny macy (letaś było 3 tony).
