Mer Ńju-Jorka i finansavy mahnat Majkł Błumbierh pakazaŭ siabie ź niečakanaha boku, kali ŭziaŭ udzieł u paradyjnaj pastanoŭcy nieŭmiručaha miuzikła «Vałasy».
Jak paviedamlaje «Ńju-Jork Post» mer horadu syhraŭ rolu sastarełaha chipi Bierha ŭ dabračynnym kancercie, u jakim akramia Błumbierha vystupili prafiesijnyja aktory z sapraŭdnaj bradviejskaj pastanoŭki.
Mer-bahatyr načapiŭ paryk z daŭhimi vałasami, a na łob — stužku, apranuŭ klošy i abuŭ zamšavyja makasiny. Da taho ž jon uździeŭ klatčastuju kašulu, na jakoj zamiest łataŭ krasavalisia nazvy departamientaŭ ńju-jorskaj meryi. Admysłova dla Błumbierha adzin z chitoŭ miuzykła, pieśniu «Akvaryum», stvaralniki parodyi pierarabili na «Majkvaryum». Miuzikł «Vałasy» raspaviadaje pra «dziaciej kvietak», jaki ŭ 60-70-yja hady padniali na ščyt idei roŭnaści, cichamirnaha suisnavańnia i volnaha kachańnia — voś čamu bolšaść hledačoŭ ździviłasia, ubačyŭšy spasiarod pradstaŭleńnia spadara Błumbierha, reśpiektabielnaha ŭradoŭca i prasolenuju akułu Ŭoł-Strytu.
ŁK
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
