Pačałasia padrychtoŭka da čaćviortaha mižnarodnaha rok-fiestyvalu Be Free.
Jak paviedamiŭ adzin z arhanizataraŭ Vital Supranovič, sioleta fest pierastanie vandravać. Jak i ŭ papiaredni hod, jon projdzie ŭ Čarnihavie (Ukraina).
Farmat festu zastaniecca raniejšym: na praciahu dvuch dzion na scenu buduć vychodzić biełaruskija i zamiežnyja muzyki. Chto sioleta prymie ŭdzieł, arhanizatary jašče nie vyznačyli. Nie viadomaja pakul i dakładnaja data praviadzieńnia Be Free.
Rok fiestyval Be Free uźnik u 2007 hodzie pad nazvaj «Prava być svabodnym». U papiarednija hady jon prachodziŭ na zachadzie Ukrainy — u haradach Łuck i Lvoŭ. Letaś jon prajšoŭ u Čarnihavie, dzie vyrašyli pravodzić jaho i nadalej. Udzieł u im prymali «Lapis Trubiecki», «Vopli Vidaplasava», «Krama», B:N, ZATOCZKA, Pomidor/OFF, Znich, Vladivostok i inšyja.
