Napad na kiraŭnika Maskoŭskaj Chielsinkskaj hrupy Ludmiłu Alaksiejevu adbyŭsia ŭ sieradu ŭviečary padčas praviadzieńnia pamiatnaj akcyi pa zahinuŭšym padčas teraktaŭ u mietro. Alaksiejeva pryjšła ušanavać pamiać zahinuŭšych na stancyju «Park kultury» ŭ supravadžeńni staršyni pravaabarončaha centra «Miemaryjał» Aleha Arłova i siabra fiederalnaj biuro ruchu «Salidarnaść» Barysa Niamcova. Padčas uskładańnia kvietak da jaje padbieh małady čałaviek i sa słovami «Ty jašče žyvaja, suka» udaryŭ jaje pa hałavie. Napadnik pasprabavaŭ źbiehčy, ale byŭ zatrymany prysutnymi i pieradadzieny milicyi. Alaksiejeva pakinuła paśla hetaha stancyju mietro i nie vyklučyła, što ŭ čaćvier źvierniecca da miedykaŭ.
Jak vyśvietliłasia paśla zatrymańnia napadnika, dakumientaŭ pry im nie było. Sam jon pradstaviŭsia supracoŭnikam milicyi jak Pieravierzieŭ Kanstancin Alehavič 1979 hoda naradžeńnia. Akramia hetaha jon zajaviŭ, što pražyvaje ŭ Soncava i źjaŭlajecca ruskim pravasłaŭnym patryjotam. Zatrymanamu pahražaje da 2 hadoŭ źniavoleńnia.
