Na poŭdni Biełarusi, u rajonie ad Jelska da Lelčyc, hieołahi viaduć pošuki ŭranu. Pra heta paviedamiŭ dyrektar departamienta pa hieałohii Ministerstva pryrodnych resursaŭ i achovy navakolnaha asiarodździa Uładzimir Karpuk 1 krasavika na pres‑kanfierencyi ŭ Minsku.
Pavodle jaho słoŭ, raboty viadzie respublikanskaje unitarnaje pradpryjemstva «Biełhiea». «My vałodajem infarmacyjaj ab pavyšanych kancentracyjach parod, što ŭtrymlivajuć uran, jakija my adznačyli ŭ pracesie rabot», — skazaŭ Karpuk.
Pavodle jaho słoŭ, pošuki ŭranu — adzin ź pierśpiektyŭnych kirunkaŭ hieałohii. Jak zaznačyŭ namieśnik hienieralnaha dyrektara RUP «Biełhieałohija» Jarasłaŭ Hrybik, supracoŭniki «Biełhieałohii» pry zdabyčy karysnych vykapniaŭ zafiksavali ŭ Biełarusi sotni anamalij radyjeaktyŭnych elemientaŭ. «Pytańnie pra toje staić, z čym jany źviazanyja: z uranam, ftoryjem abo kalijem», — skazaŭ śpiecyjalist. Pavodle jaho słoŭ, dla vyznačeńnia hetaha patrabujucca dadatkovyja daśledavańni.
0
0
0
0
0
0
