14 krasavika z Mazyrskaj vajskovaj častki byŭ zvolnieny palitrekrut Franak Viačorka.«Mnie spatrebiłasia 15 miesiacaŭ, kab dakazać niezakonnaść pryzyvu. Uvieś sakavik ja znachodziŭsia na abśledavańni, jakoje paćvierdziła maju chvarobu serca», — kaža dembiel.
«U ich nie było mahčymaści adkrucicca. Ciapier ja liču svaim abaviazkam zmahacca za pravy inšych palitpryzyŭnikoŭ — Cianiuty, Skrabca, Kraŭčeni.
Z vojska ja vychodžu pieramožcam. Dziakujučy mnie, jano stała kryšku inšym. Źjavilisia statuty na biełaruskaj movie, pašyrylisia pravy sałdataŭ. Ja byŭ sałdackim advakatam, i mnie zdajecca hodna nios svoj kryž», — praciahvaje F.Viačorka.
Franak kaža, što ŭžo zaŭtra viartajecca ŭ Mazyr, kab vieści pieradvybarčuju ahitacyju. «Ja viarnuŭsia z vojska inšym čałaviekam. Ale maje pryncypy nie źmianilisia. I ja prahnu kinucca ŭ zmahańnie z padvojenaj enierhijaj. Mnie chočacca palityčnaj dziejnaści, pracy ź ludźmi».
0
0
0
0
0
0
