Dziaržaŭnaja presa - u dadzienym vypadku «Źviazda» praciahvaje mačyć «Biełaruski partyzan» i ŭ siońniašnim numary drukuje list partyzan i padpolščykaŭ Navahradskaha rajona.
Ad imia vieteranaŭ, byłych partyzanaŭ i padpolščykaŭ Vialikaj Ajčynnaj vajny Navahrudskaha rajona źviartajemsia da Vas z prośbaj danieści da žycharoŭ našaj krainy dumku nakont pravakacyjnaj dziejnaści sajta ŭ internecie «Biełorusskij partizan».
My hłyboka aburanyja tym, što, prykryvajučysia śviatymi dla kožnaha biełarusa słovami, składalniki sajta raźmiaščajuć niepravieranuju i niedakładnuju infarmacyju pra sacyjalna‑ekanamičnaje, palityčnaje raźvićcio našaj krainy.
Našy ziemlaki, žychary Navahrudčyny, mužna zmahalisia u hady Vialikaj Ajčynnaj vajny ź nienavisnym voraham u partyzanskich atradach i antyfašysckim padpolli. Navahrudčyna straciła za hady vajennaha lichalećcia zvyš 45 tys. svaich žycharoŭ. My, vieterany, nie dla taho ryzykavali svaim žyćciom, kab siońnia niekatoryja «pisaki» ablivali hraźziu dziejnuju ŭładu i naš narod.
Źmiest sajta nie adpaviadaje jaho naźvie i toj palitycy, jakuju pravodzić naš urad ŭ našaj krainie. Sajt abjektyŭna nanosić škodu reputacyi našaj dziaržavy i nie moža nasić nazvu «Biełorusskij partizan».
U suviazi z tym, što nabližajecca hadavina Vialikaj Pieramohi nad niamiecka‑fašysckimi zachopnikami, my chočam, kab da hetaha jubileju imia biełaruskich partyzan było ačyščana ad ŭsiaho, što kampramietuje hetyja śviaščennyja dla kožnaha biełarusa i dla nas słovy.
Prezidyum Navahrudskaj rajonnaj arhanizacyi Biełaruskaha hramadskaha abjadnańnia vieteranaŭ.
