Redakcyjam biełaruskich srodkaŭ masavaj infarmacyi mohuć zabaranić publikavać vypraŭlenyja tvory aŭtaraŭ bieź ich papiaredniaj zhody. Takuju normu ŭtrymlivaje novy zakonaprajekt, jaki pastupiŭ u Pałatu pradstaŭnikoŭ, ‑‑ ab aŭtarskim i sumiežnych pravach.
Pra heta paviedamiŭ staršynia Pastajannaj kamisii pa adukacyi, kultury, navucy i navukova‑techničnym prahresie Pałaty pradstaŭnikoŭ Nacyjanalnaha schodu Biełarusi Uładzimir Zdanovič.
Deputat patłumačyŭ, što ciapier uźnikaje šmat sprečak pamiž redakcyjami i aŭtarami. Naprykład, čałaviek napisaŭ artykuł, a ŭ haziecie ci časopisie jaje istotna pierapracavali i apublikavali, nie pastaviŭšy aŭtara ŭ viadomaść. Novy zakonaprajekt zabaraniaje heta rabić: nielha ŭnosić karektyvy biez apaviaščeńnia aŭtara.
Razam z tym u dakumiencie dakładna ahavorany vypadki volnaha vykarystańnia tvoraŭ aŭtarskaha i sumiežnych pravoŭ. Naprykład, heta tyčycca zakonaprajektaŭ, dziaržaŭnaj simvoliki. Heta značyć himn Biełarusi možna śpiavać biez abaviazkovaha apaviaščeńnia aŭtara. Dapuskajecca taksama cytavańnie uryŭkaŭ tvoraŭ. «Padčas abmierkavańnia zakonaprajekta ŭ deputataŭ ŭźnikaje pytańnie: ci možna muzykam na viasielli vykonvać čužyja pieśni? Možna. Aŭtaraŭ ŭ hetym vypadku stavić u viadomaść nie treba. Taksama dapuskajecca vykanańnie muzyčnych tvoraŭ padčas relihijnych i žałobnych cyrymonij», — rastłumačyŭ deputat.
U zakonaprajekcie adlustravany i detalova prapisanyja pytańni, jakija tyčacca abarotu kantrafaktnaj pradukcyi. Za jaje vykarystańnie ŭstanoŭleny vysokija štrafnyja sankcyi. «Kali aŭtar abo arhanizacyja, jakaja pradstaŭlaje jaho pravy, paličyć, što vypuščanaja vyhada ŭ vyniku niezakonnaha vykarystańnia jaho tvory, jon maje prava źviarnucca ŭ sud. Sud moža ŭstalavać maksimalny štraf u pamiery 50 tys. bazavych vieličyń (zaraz adna bazavaja składaje 35 tys rubloŭ) «, — padkreśliŭ Uładzimir Zdanovič. Termin dziejańnia aŭtarskaha prava ustanoŭleny na pieryjad ŭsiaho žyćcia aŭtara i 50 hadoŭ paśla jaho śmierci.
Deputat ličyć, što zaraz majomasnyja intaresy aŭtaraŭ u Biełarusi pakul niedastatkova abaronienyja. Pa abjomie pastupleńniaŭ ad aŭtarskich uznaharod Biełaruś u 10 i bolš razoŭ sastupaje zamiežnym dziaržavam. Heta značyć ajčynnyja aŭtary atrymlivajuć za svaje tvory mienš, čym u inšych krainach.
«Asnoŭnaja meta novaha zakonaprajekta, na dumku deputata, — abaranić aŭtarskija tvory ad niezakonnaha vykarystańnia nie tolki maralna, ale i materyjalna.
Dakumient raspracavany z udziełam pradstaŭnikoŭ Nacyjanalnaj biblijateki, Nacyjanalnaj kinastudyi «Biełaruśfilm», administracyi Parku vysokich technałohij, ekśpiertaŭ Mižnarodnaj arhanizacyi intelektualnaj ułasnaści.
