Paśla paŭtarahadovaha pierapynku izrailskaja avijakampanija «El Al» adnaŭlaje 4 červienia paloty pa maršrucie Tel‑Aviŭ — Minsk.
Pra heta zajaviŭ pasoł Izraila ŭ Biełarusi Eduard Šapira 16 krasavika na pres‑kanfierencyi ŭ Minsku, pryśviečanaj 62‑j hadavinie zasnavańnia Dziaržavy Izrail.
Pavodle jaho słoŭ, paloty na samalotach «Boinh‑757» budzie ažyćciaŭlać daččynaje pradpryjemstva «El Al» — avijakampanija «Sandar». «My pačynajem z adnaho palotu ŭ tydzień z nadziejaj, što z časam ich kolkaść uzraście», — skazaŭ dypłamat. Takim čynam, biełaruskija turysty mohuć skarystacca čatyrma štotydniovymi rejsami ŭ Tel‑Aviŭ — tryma avijakampanii «Biełavija» i adnym avijakampanii «Sandar» .
Jak zaznačyŭ pasoł, pavieličeńnie kolkaści rejsaŭ śviedčyć ab cikavaści biełaruskich turystaŭ da Izraila i izrailskich turystaŭ da Biełarusi. Šapira vykazaŭ nadzieju, što budzie ŭzrastać abmien turystami, jakija naviedvajuć Biełaruś i Izrail nie tolki dla sustrečy sa svajakami, ale i dla znajomstva z abjektami nacyjanalnaj kulturna‑histaryčnaj i pryrodnaj spadčyny abiedźviuch krain.
