Kancert rok-hurtu Scorpions, jaki mieŭsia adbycca 20 krasavika ŭ Minsku, pieraniesieny na 29 krasavika. Pra heta na svaim sajcie paviedamili arhanizatary vystupu, kancertnaje ahienctva Allstarts. Pavodle taho ž sajtu ŭsie kuplenyja na kancert bilety sapraŭdnyja.
Rokiery nie paśpieli prylacieć na svoj minski kancert praz chmaru vułkaničnaha popiełu, jakaja sparalizavała pracu avijalinijaŭ u Niamieččynie.
Pavodle słovaŭ menedžerki pa artystach adnaho z arhanizataraŭ minskaha vystupu Scorpions, kancertnaha ahienctva Allstars, Kaciaryny Skačak, udzielniki rok-hurtu pavinny byli prylacieć u Minsk z roznych haradoŭ, ale ŭsie — ź Niamieččyny.
Nahadajem, siońnia pavietranaja prastora 17 jeŭrapiejskich krainaŭ, u tym liku i Niamieččyny, zastavałasia zakrytaja praz chmaru vułkaničnaha popiełu, jakaja ŭfarmavałasia ŭ vyniku vyviaržeńnia vułkana ŭ Isłandyi.
