Kryminalnaja sprava za kradziež raspačata Rečyckim RAUS pavodle zajavy kiraŭnictva ahrakambinata »Chołmieč», z fruktovaha sada jakoha było vykradziena bolš za 360 sadžancaŭ jabłyń.
Jak paviedamili ŭ pres‑słužbie UUS Homielskaha abłvykankama, jak miarkujecca, kradziež adbyŭsia ŭ noč na 5 maja. Nieviadomy trapiŭ u sad, paškodziŭšy draŭlanuju aharodžu. Terytoryja achoŭvajecca vartaŭnikom, ale jon nie bačyŭ złodzieja. Ahrakambinatu naniesieny ŭron na 2 młn. 780 tysiač rubloŭ. Viadziecca pošuk padazronaha.
5 maja z terytoryi budoŭli dziciačaha sadka ŭ vioscy Krasnaje Homielskaha rajona złamyśniki vykrali abstalavańnie bolš jak na 3,5 młn. rubloŭ. Nieviadomyja trapili na terytoryju, sarvaŭšy naviasny zamok, i vynieśli z budaŭničych vahončykaŭ pierfaratary, zvaračny transfarmatar, elektrapiły, kabiel. Na terytoryi dziažuryli vartaŭniki.
0
0
0
0
0
0
