Biełaruskim pravajderam zabaroniena raźmiaščać klijentaŭ na zamiežnych siervierach 2

Biełaruskim chostynh-pravajderam zabaroniena raźmiaščać klijentaŭ na zamiežnych siervierach. Takaja norma źmiaščajecca va ŭkazie № 60 i pastanovie ŭradu № 644.

Pra heta paviedamiŭ pradstaŭnik adnoj z bujnych chostynhavych kampanij: «Pavodle novych praviłaŭ my nie majem prava raźmiaščać klijentaŭ za miažoj i vymušanyja prapanavać pieranieści sajty na sierviery ŭ Biełaruś».

«My hatovyja raźmiaścić klijentaŭ u Biełarusi i zamaŭlajem dadatkovyja sierviery, ale nam kažuć, što ich niama dzie raźmiaścić. U datacentrach "Biełtelekama" prosta niama miesca. Paabiacali niešta zrabić, ale da 1 lipienia dakładna ničoha nie źmienicca, my nie paśpiejem», — kaža pradstaŭnik chostynhavaj kampanii.

Pa słovach surazmoŭcy, u siarednim kala pałovy klijentaŭ raźmieščana za miažoj. Heta tysiačy, dziesiatki tysiač klijentaŭ, i fizičnyja asoby chutčej pamianiajuć chostynhavuju kampaniju na zamiežnuju, čym pierajeduć u Biełaruś i zarehistrujucca.

Chostynhavyja kampanii źjaŭlajucca tak zvanymi pastaŭščykami internet-pasłuh i pavinnyja zarehistravać usich svaich klijentaŭ u Dziaržaŭnym rejestry. Košt adnoj rehistracyi składaje 14 tys. biełaruskich rubloŭ (kala 5 $), i da 1 lipienia chościera daviadziecca vypłacić BiełHIE sotni tysiač dalaraŭ. «Adnarazovaja vypłata takoha pamieru niepadjomnaja. My budziem vymušanyja pierakłaści hetyja vydatki na klijentaŭ», — adznačaje surazmoŭca.

«Drobnyja biełaruskija chostynhavyja kampanii adnaznačna vymušanyja buduć zakrycca», — prahnazuje ekśpiert.

electroname.com

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH