U 2009 hodzie 20 biełarusaŭ atrymali status uciekačoŭ u Polščy. Pra heta paviedamiŭ dyrektar departamienta mižnarodnaha supracoŭnictva Ministerstva ŭnutranych spraŭ Polščy Marek Šoniert 10 maja na sustrečy z žurnalistami ź Biełarusi, Ukrainy, Rasii i Małdovy ŭ Varšavie.
Pavodle jaho słoŭ, pry hetym 25 biełarusam u minułym hodzie było admoŭlena ŭ prysvajeńni takoha statusu. Jašče adzin hramadzianin Biełarusi zakryŭ praceduru pa atrymańni statusu ŭciekača.
Jak paviedamiŭ Šoniert, u 2009 hodzie bolš za 10,5 tys. inšaziemcaŭ źviarnulisia da polskich uład z prośbaj pryznać ich uciekačami.
Adnak paśla razhladu spraŭ u sudach hety status atrymaŭ tolki 131 čałaviek.
Umovy, zapisanyja ŭ Ženieŭskaj kanviencyi ab statusie uciekačoŭ, dastatkova ciažka vykanalnyja, i «nie nadta šmat inšaziemcaŭ» pryznajuć takimi, adznačyŭ Šoniert.
Pavodle jaho słoŭ, razhlad zajavy ab pryznańni ŭciekača zajmaje da šaści miesiacaŭ.
Pry hetym dla čałavieka, jaki nie adkazvaje patrabavańniam dla nadzialeńnia hetym statusam, isnuje mahčymaść atrymać «dadatkovuju abaronu», što dazvalaje na niekatory čas zatrymacca ŭ Polščy. Znachodžańnie inšaziemca, jaki jašče tolki pretenduje na status biežanca, štomiesiac abychodzicca polskaj dziaržavie ŭ 1 tys. 100 — 1 tys. 200 złotych (da 300 jeŭra).
Inšaziemcy, jakija atrymlivajuć status uciekača, majuć mahčymaść znachodzicca ŭ śpiecyjalnych centrach dla ŭciekača ci atrymlivać materyjalnuju dapamohu. Usiaho ŭ Polščy dziejničaje 19 centraŭ dla ŭciekačoŭ, bolšaść ź ich raźmieščanyja kala ŭschodnich miežaŭ krainy. U centrach utrymlivajecca amal 3,5 tys. uciekačoŭ, siarod jakich pa kolkaści piaršynstvujuć čačency, na druhim miescy — hruziny. Jašče kala 1,2 tys. atrymlivajuć materyjalnuju dapamohu.
