Deputaty Minharsavieta buduć prymać hramadzian u pieršy paniadziełak kožnaha miesiaca. Jak paviedamiŭ na pres‑kanfierencyi 19 maja staršynia Minskaha haradskoha savieta deputataŭ Michaił Savanovič, takoje rašeńnie było pryniata 18 maja na pasiadžeńni prezidyuma Minharsavieta 18 maja.
Jak paviedamlałasia, 12 maja ŭ Minsku adbyłasia pieršaja ŭstanovačnaja siesija Minharsavieta 26‑ha sklikańnia. Na joj deputaty abrali staršyniu, jaho namieśnikaŭ, prezidyum, staršyniaŭ dzieviaci kamisij. Novyja składy savietaŭ abirajucca terminam na čatyry hady.
Čas pryjomu hramadzian deputatami vyznačany z 17.00 da 19.00. Miesca praviadzieńnia budzie ŭzhadniacca administracyjami rajonaŭ z deputatam. Akramia hetaha, deputat moža pryniać rašeńnie ab praviadzieńni dadatkovych sustreč, adznačyŭ Savanovič.
«My ličym, što ŭ nas napieradzie vialikaja rabota pa vykanańni nakazaŭ vybarščykaŭ. Padčas pieradvybarnaj kampanii adbylisia sustrečy kandydataŭ z vybarščykami, na jakich jany vykazali peŭnyja pažadańni, zasiarodzili ŭvahu na vyrašeńni pytańniaŭ», — adznačyŭ Savanovič.
Jon paviedamiŭ, što na nastupnaj siesii pavinna być zaćvierdžana prahrama pa vykanańni nakazaŭ vybarščykaŭ.
Akramia hetaha, Savanovič adznačyŭ, što Minharsaviet budzie aktyŭna supracoŭničać z arhanizacyjami miascovych terytaryjalnych samakiravańniaŭ. Siońnia takija arhanizacyi stvorany ŭ Frunzienskim, Maskoŭskim i Pieršamajskim rajonach. «Pierad nami staić zadača stvareńnia takich struktur i ŭ inšych rajonach horada. Heta toje źviano, jakoje moža źviazać hramadzian i deputataŭ», — ličyć staršynia Minharsavieta.
Jon taksama padkreśliŭ, što harsaviet »budzie aktyŭna supracoŭničać z hramadskimi abjadnańniami».
Na dumku Savanoviča, «deputaty taksama pavinny nie radziej čym adzin raz na hod rabić spravazdaču pierad vybarščykami ab praviedzienaj rabocie jak dla raźvićcia horada, tak i vybarčaj akruhi».
Savanovič taksama paviedamiŭ, što ciapierašni skład savieta pradoŭžyć rabotu pa realizacyi dziejnych prahram, u tym liku pa raźvićci haradskoha kamunalnaha transpartu, u budaŭničaj halinie, ab demahrafičnaj biaśpiecy, a taksama pryniaćci novych.
