Mižnarodnaja viečaryna «OPEN BORDER» prajšła ŭ ramkach dabračynnaj akcyi Usieŭkrainskaha fondu «Serca da serca». Arhanizavaŭ jaje biełarus Ihar Koktyš.
U noč z 16 na 17 maja ŭ Žytomiry ŭ načnym kłubie «Kańjon» adbyłasia mižnarodnaja viečaryna «OPEN BORDER». Kancert, u jakim pryniali ŭdzieł ukrainskija hurty «Crystal Night», «Raw & Bold», «Astierija», «Mama ja radyjo» dy inš., a taksama biełaruski hurt B:N: (Biaroza), ładziŭsia ŭ ramkach dabračynnaj akcyi Usieŭkrainskaha fondu «Serca da serca». Akcyja heta skiravanaja na dapamohu novanarodžanym dzieciam ź fizičnymi niedachopami. Vystup biełarusaŭ hości viečaryny nazvali sapraŭdnym vybucham.
Arhanizavaŭ «OPEN BORDER» biełaruski muzyka Ihar Koktyš, jaki ciapier vymušana znachodzicca va Ukrainie. Akurat 16 maja Ihar adznačyŭ svajo 30-hodździe.
Vystup biełarusaŭ hości viečaryny nazvali «sapraŭdnym vybucham». Fota hd-studio.com.ua
Ihar Koktyš sustrakaje ziemlakoŭ. Fota hd-studio.com.ua
