U pamiać pra paeta adsłužać u carkvie U Sabory śviatych Piatra i Paŭła ŭ Minsku 25 maja a pałovie na druhuju adbudziecca paminalnaja słužba. Heta dzień, kali paeta nie stała — u 1917‑m. Ale voś dziva: karotkaje jaho žyćcio, ale vielmi napoŭnienaje sensam, harmonijaj słoŭ, imknieńniem da Biełarusi, zrabiła jaho imia žyvym. A jaho słova — žyćciadziejnym. Navat zaraz. Šanavać Maksima Bahdanoviča — značyć čytać jaho vieršy.
Ci prynieści kvietki da jaho pomnika (kala Nacyjanalnaha akademičnaha vialikaha teatra opiery i baleta) — siońnia a 12‑j hadzinie tam źbiarucca ludzi z hetaj nahody.
A možna pryjści ŭ litaraturny muziej Bahdanoviča na viečarynu «U krainie śvietłaj». Darečy, da 31‑ha maja ekspanujecca pieršy žyvapisny partret paeta, stvorany Valancinam Vołkavym.
