U hetym hodzie płanujecca pryniać 200 tysiač abituryjentaŭ u VNU, SSNU i PTV.
Pałova ź ich, amal 103 tysiačy, — u vyšejšyja navučalnyja ŭstanovy. Pryčym u apošnija nabor pavialičyŭsia na 5 tysiač čałaviek u paraŭnańni ź letašnim. Heta źviazana z tym, što Ministerstva adukacyi raźličvaje na pavieličeńnie kolkaści zamiežnych studentaŭ u našych VNU, a taksama na žadańnie biełarusaŭ atrymlivać druhuju i treciuju vyšejšyja adukacyi.
Tolki kožny treci student VNU budzie navučacca na biudžetnaym miescy.
Astatnim daviadziecca płacić. Načalnik upraŭleńnia vyšejšaj i siaredniaj śpiecyjalnaj adukacyi Minadukacyi Juryj Miksiuk paviedamiŭ, što kolkaść biudžetnych miescaŭ sioleta pavialičana na 854. Pryčyna hetaha — zapatrabavanaść śpiecyjalistaŭ pa takich profilach, jak «technika i technałohija», «architektura», pa enierhietyčnych śpiecyjalnaściach.
0
0
0
0
0
0
