Nacyjanalnaja zbornaja Biełarusi pa futbole zhulała ŭničyju ŭ tavaryskim matčy sa zbornaj Handurasa – 2:2. Matč prajšoŭ 27 maja ŭ aŭstryjskim horadzie Fiłach.
Zbornaja Handurasa pravodzić zbor u ramkach padrychtoŭki da čempijanatu śvietu pa futbole, što pačniecca 11 červienia – užo praz dva tydni! – ŭ Paŭdniovaj Afrycy. Centralnaamierykanskaja družyna (hałoŭny trenier – Rejnalda Rueda) na mundyjali zhulaje ŭ hrupie «H» ź Ispanijaj, Čyli, Šviejcaryjaj.
Łacinaamierykancy pieršymi adkryli lik: na 26-j chvilinie vyznačyŭsia paŭabaronca italjanska-pjemonckaha «Taryna» Chulio Sezar de Leon.
U druhim tajmie minski dynamaviec Anton Puciła nie tolki zraŭniaŭ lik, ale i vyvieŭ padapiečnych Biernda Štanhie napierad (56-ja i 60-ja chviliny). Ale na 71-j chvilinie forvard kłuba nacyjanalnaj futbolnaj lihi Handurasa «Matahua» Džoržy Uełkam pastaviŭ kropku ŭ hulni.
U niadzielu zbornaja Biełarusi zhulaje tamsama – u Aŭstryi – tavaryski matč ź jašče ŭdzielnikam čempijanatu śvietu – zbornaj Paŭdniovaj Karei. Naturalna, kali nie pačniecca vajna na Dalokim Uschodzie. Dačynieńni pamiž Paŭnočnaj – KNDR taksama ŭdzielnik čempijanatu śvietu – i Paŭdniovaj Karejaj apošnmim časam rezka abvastrylisia.
2 červienia (sierada) u Minsku na stadyjonie «Dynama» projdzie tavaryski matč pamiž zbornymi Biełarusi i Šviecyi (pačatak u 20:30).
Šviedy – jany pryjeduć biez svajoj hałoŭnaj zorki Złatana Ibrahimaviča – nie trapili na mundyjal, zaniaŭšy treciaje miesca, śledam za Danijaj i Partuhalijaj.
