Film, jaki letaś atrymaŭ vosiem «Oskaraŭ», pakažuć u subotu na telekanale ANT.
Heta historyja vasiemnaccacihadovaha siraty Džamala Malika, jaki znachodzicca ŭ adnym kroku ad pieramohi ŭ telehulni «Chto choča stać miljanieram?» Hałoŭny pryz — 20 miljonaŭ rupij. Padčas pierapynku ŭ hulni Džamala aryštoŭvajuć, padazrajučy ŭ machlarstvie. Čym skončycca historyja siraty z truščobaŭ u Mumbai, hladzicie 29 maja na telekanał ANT. Pačatak u 21.05.
Niekalki cikavych faktaŭ ab filmie:
Paśla vychadu stužki ŭ Dcharavi (rajon Mumbai, dzie žyŭ hieroj) byŭ stvorany turystyčny maršrut.
Kampanija Mercedes-Benz zapatrabavała, kab jaje łahatyp prybrali z tych epizodaŭ, u jakich dziejańni adbyvajucca ŭ truščobach.
Akcior, u jakoha Džamał biare aŭtohraf, — Amitabch Bačan, viadomy indyjski akcior, jaki byŭ pieršym viadoŭcam indyjskaj viersii «Chto choča stać miljanieram?»
Recenziju na «Miljaniera z truščobaŭ» čytajcie tut.
