Pa vynikach minułaj vybarčaj kampanii deputatami Nieharelskaha sielskaha savieta (Dziaržynski rajon, Minskaja vobłaść) abranyja dva pradstaŭniki arhkamiteta pa stvareńni Biełaruskaj sacyjał‑demakratyčnaj partyi (Narodnaja Hramada) Uładzimir Mišura i Antanina Sudnik.
Čatyry deputaty miascovych savietaŭ źjaŭlajucca členami Biełaruskaj partyi levych «Spraviadlivy śviet». Alaksandr Halkievič abrany deputatam Baranavickaha harsavieta (Bresckaja vobłaść), Uładzimir Darapiej — Bresckaha rajsavieta, Iosif Macijun — Vilejskaha rajsavieta (Minskaja vobłaść), Natalla Ryšard — Śvisłackaha pasiałkovaha savieta (Puchavicki rajon, Minskaja vobłaść).
Try deputaty pradstaŭlajuć arhkamitet pa stvareńni partyi «Biełaruskaja chryścijanskaja demakratyja». Vieterynarny ŭrač Alaksiej Ciulkoŭ pieramoh na vybarach u Asipovicki rajsaviet (Mahiloŭskaja vobłaść), nastaŭnica Žanna Ščarbinina — u Aŭsiankaŭski sielsaviet (Horacki rajon, Mahiloŭskaja vobłaść), vajenny piensijanier Viktar Bardziuh — u Chidrynski sielsaviet (Kobrynski rajon, Bresckaja vobłaść).
Adzin z deputataŭ miascovych savietaŭ źjaŭlajecca členam Biełaruskaj sacyjał‑demakratyčnaj Hramady. Viktar Michasioŭ abrany deputatam Baranskaha harsavieta (Aršanski rajon, Viciebskaja vobłaść).
Usiaho padčas vybaraŭ u miascovyja saviety, jakija prajšli ŭ Biełarusi 25 krasavika, było abrana 21.288 deputataŭ. U 14 vybarčych akruhach, dzie bałatavalisia pa adnym kandydacie ŭ deputaty, kandydaty nie nabrali nieabchodnuju dla pieramohi kolkaść hałasoŭ.
