Internet-adbor hurtoŭ na festyval «Rok Za Babroŭ» vyjaviŭ novyja imiony. Piša ahladalnik polskaha internet-časopisa elephantshoe.pl Marcin Połeć.
Internet-adbor hurtoŭ na festyval «Rok Za Babroŭ» vyjaviŭ novyja imiony. Piša ahladalnik polskaha internet-časopisaelephantshoe.pl Marcin Połeć.
Hurt Tok Rukoo.
Arhanizatary festu «Rok Za Babroŭ» u adboračnaj častcy kankursa vyrašyli vybar pakinuć narodu, što skončyłasia hučnym skandałam. Internet-hałasavańnie praz YouTube zavieršyłasia vyklučeńniem z dalejšaj hulni takich viadomych hurtoŭ, jak Unia, Hair Peace Salon, Relikt, Zatoczka, Dali, «Ściana», «Žniuv», «Bosaje sonca». Siarod finalistaŭ apynulisia tyja, jakich — jak padkreślivaŭ siabra žury, muzyčny krytyk Aleh Klimaŭ — nivodny padupały kłub nie puściŭ by na paroh. Ale ž «Ruch na aśviažeńnie» — značyć patrabujem novych tvaraŭ, a nie dziasiaty raz tych samych.
Ciažka zrazumieć hetaje abureńnie siabroŭ žury, usprymańnie «hołasu narodu» jak abrazy ich «aŭtarytetu». Takaja ŭžo rysa vybaraŭ, što pieramahajuć časta kandydaty, jakich pa zvyčajnych damovach nie puskajuć na sceny kłubaŭ.
Arhanizatary festu zrabili tałkovuju spravu. A mienavita — stvaryli videa-mapu sioniašniaj maładoj biełaruskaj muzyki. Na tych konkursnych videa — hurty, jakija my nikoli nie bačyli. Samy śvietły ź ich — sapraŭdnaja pierlina — Tok Rukoo. U śviežym składzie, ź pieršym zapisanym sinhłam, cikavym ołdskułavym klipam, jany prosta zavajavali moj mp3-player na paru tydniaŭ.
Prajekt paŭstaŭ u 2006 hodzie, kali jaho stvaralnik, Vasil Maranaŭ, daŭ abjavu ab pošukach muzykaŭ. Na jaje adkazaŭ vakalist, Vadzim Chiejfiec. Vadzim i Vasil na chatniaj aparatury pisali pieršaje dema, jakoje nazvali «Jo (vocalise)». Pastupova dałučylisia inšyja muzyki. Za hety čas hurt nie davaŭ pra siabie znać na vialikich scenach. Chłopcy pracavali z hučańniem, nie śpiašalisia z prezientacyjaj, kab nie sapsavać pieršaha ŭražańnia. U kastryčniku-listapadzie płanujecca prezientacyja ich debiutnaha alboma. Pakul adzinaje, čym padzialilisia z nami muzyki, heta pieršy sinhł «The Waves», jaki źjaviŭsia na staroncy fiestyvala «Rok Za Babroŭ».
Čorna-bieły film, brytanskija švedry z vysunutym kaŭnierykam kašuli, ciomnaja scena i vializny srebny dyskatečny šar na pieršym płanie. Chałodnyje klavišy rodam z apošniaha tvorčaha etapa Joy Division, tancavalny rytm, nizki surjozny vakał, jaki ŭsioj pieśni dadaje i notu humaru, jakaja vyratuje ich na vypadak zakidaŭ za padabienstva z Editors, ci The Bridgeheads. Patencyjał u minčanaŭ z Tok Rukoo vialiki, dyj ułasnaja muzyčnaja ideja jość.
