Arhkamitet pa stvareńni partyi «Biełaruskaja chryścijanskaja demakratyja» (BCHD) moža spynić svoj udzieł u vypracoŭcy stratehii pa vyznačeńni adzinaha kandydata ŭ prezidenty ad Biełaruskaha niezaležnickaha błoka (BNB),
paviedamiŭ 2 červienia na pres‑kanfierencyi ŭ Minsku sustaršynia BCHD Vital Rymašeŭski.
Pavodle jaho słoŭ, pasiadžeńnie rady BNB, jakoje adbyłosia 1 červienia, zaviało praceduru vyłučeńnia adzinaha kandydata ŭ prezidenty ad BNB «u tupik»
«My płanavali, što 1 červienia hetaja pracedura budzie pryniataja, ale hetaha nie adbyłosia. Nam daviałosia pajści na kampramis i pryniać za asnovu adzin z prapanavanych varyjantaŭ pracedury — varyjant Partyi BNF. Heta było zroblena dla taho, kab była asnova dla abmierkavańnia pracedury vyłučeńnia adzinaha kandydata», — skazaŭ Rymašeŭski.
«Kali b učora vyniku nie było nijakaha, heta b aznačała kaniec pieramoŭ u miežach BNB», — zaznačyŭ Rymašeŭski.
«Kali da 15 červienia nie budzie vypracavanaja pracedura vyznačeńnia adzinaha kandydata ŭ prezidenty ad BNB, to BCHD budzie razhladać pytańnie ab spynieńni dalejšaha ŭzhadnieńnia pracedury.
My budziem pracavać z tymi subjektami, jakija hatovy supracoŭničać z nami ŭ hetym pytańni», — zajaviŭ Rymašeŭski. Jon zaznačyŭ, što zaraz BCHD viadzie pieramovy i ź inšymi subjektami biełaruskaj apazicyi. «Najbolšy prahres u pieramovach dasiahnuty z Abjadnanaj hramadzianskaj partyjaj i ź Jeŭrapiejskaj kaalicyjaj u asobie Mikałaja Statkieviča», — skazaŭ Rymašeŭski.
Sustaršynia BCHD zajaviŭ, što ŭ pieramovach z AHP dasiahnuty kampramisny varyjant vyłučeńnia adzinaha kandydata. »Kandydat budzie vyznačacca pa kolkaści inicyjatyŭnych hrup, stvoranych u jaho padtrymku, i ŭ vyniku praviadzieńnia prajmieryz u troch haradach Biełarusi. Aprača taho, patencyjalny adziny kandydat pavinien budzie pryniać peŭnyja patrabavańni da jaho i padpisać adpaviednuju zajavu», — skazaŭ Rymašeŭski.
