Pra heta paviedamiŭ na pres‑kanfierencyi ŭ Minsku zahadčyk siektara narkałohii Respublikanskaha navukova‑praktyčnaha centra (RNPC) psichičnaha zdaroŭja Uładzimir Maksimčuk.
Pavodle jaho źviestak, na 1 červienia ŭ krainie zarehistravana 414 chvorych na taksikamaniju. Na prafiłaktyčnym uliku znachodziacca 1.058 čałaviek.
Lideram pa kolkaści chvorych źjaŭlajecca Mahiloŭ (84 chvoryja i 277 na prafiłaktyčnym uliku), u Minsku adpaviedna 79 i 124. Pry hetym u Mahiloŭskaj vobłaści na ŭliku z pryčyny narkatyčnaj zaležnaści znachodziacca 300 čałaviek, u stalicy — 2,5 tys.
Maksimčuk zaznačyŭ, što paśla ŭspyški taksikamanii ŭ kancy 80‑ch hadoŭ kolkaść chvorych na praciahu apošnich dvaccaci hadoŭ zastavałasia niaznačnaj — nie bolš za 150 čałaviek. Rost kolkaści chvorych pačaŭsia ŭ apošnija čatyry hady i źviazany z «viartańniem mody na taksikamaniju».
Pry hetym užyvać roznyja taksičnyja rečyvy ŭ jakaści niuchalnych u Biełarusi pačynajuć usio bolš u rańnim uzroście. Siarod chvorych — troje dziaciej va ŭzroście da 10 hadoŭ, 364 — va ŭzroście ad 11 da 15 hadoŭ, astatnija — va ŭzroście 16‑18 hadoŭ. Dziaŭčaty i dziaŭčynki składajuć 18% taksikamanaŭ, jakija znachodziacca na ŭliku.
Bolšaść taksikamanaŭ upieršyniu pakaštavali taksičnaje rečyva ŭ pošuku novych uražańniaŭ, z‑za cikaŭnaści, kab adyści ad rečaisnaści. Na dumku Maksimčuka, dla vyjaŭleńnia skrytych pryčyn pavieličeńnia kolkaści chvorych na taksikamaniju nieabchodna pravieści sacyjałahičnaje daśledavańnie ŭ maładziožnym asiarodździ.
U jakaści taksičnych rečyvaŭ užyvajucca klej, aceton, bienzin. Dzieci pačynajuć niuchać taksičnyja rečyvy, nie ŭśviedamlajučy nastupstvaŭ, zaznačyŭ Maksimčuk.
