Pačatak budaŭnictva zaležyć ad tempaŭ uźviadzieńnia novaha muzieja Vialikaj ajčynnaj vajny na praśpiekcie Pieramožcaŭ.
Takim budzie 24-paviarchovy hatel na Kastryčnickaj.
Kompleks na miescy muzieja VAV.
Ambicyjny prajekt hatelnaha apieratara «Kiempinski». Prajekt bielhijskaha architekturnaha biuro M. & J-M. Jaspers — J. Eyers & Partners
Na hetym ža miescy źbiraŭsia budavacca apieratara mabilnaj suviazi velcom. onliner.by
Staličny telekanał STV paviedamlaje, što vysotny hatel na Kastryčnickaj płoščy na miescy muzieja Vialikaj ajčynnaj vajny ŭsio ž budzie pabudavany. Heta budzie nie 47-paviarchovy hmach, jak płanavałasia raniej, a 24-paviarchovy. Raniejšym zadumam pieraškodzili «niekatoryja składanaści», adznačaje telekanał, adnak «horad nie admoviŭsia ad płanaŭ budaŭnictva hatelu ŭ hetym udałym miescy». Praz 5 hod na miescy vajennaha muzieja pavinien źjavicca hatel z marmuru škła płoščaj u 48 tysiač kv.m. 18 pavierchaŭ zojmuć hatelnyja numary, vierchnija pavierchi advodziacca pad apartamienty. Na dachu hatela zrobiać ahladnuju placoŭku, źnizu raźmieściacca handlovyja placoŭki, na nižnim uzroŭni — pakoŭka.
Pobač z muziejem, na miescy jakoha ciaham 2012—2015 hh maje źjavicca hatel, užo budujecca 12-paviarchovy administracyjny budynak. Jon uvachodzić u adzin kompleks z hatelem. Čatyry pavierchi budynka zojmie handlovy centr, taksama tut raźmieściacca ŭstanovy adpačynku i ofisy. Varta adznačyć, što raniej źjaŭlałasia infarmacyja pra namiery apieratara mabilnaj suviazi velcom zbudavać na hetym miescy ŭłasny ofis. Rekłama kampanii i ciapier upryhožvaje harodžu vakoł budaŭničaj placoŭki za muziejem.
Nahadajem, što, inviestaram prajekta vystupaje kampanija «Prudenko Investments Limited» (Respublika Kipr). Zamoŭcam źjaŭlajecca TAA «Prudienko Inviestmients Łtd» (Respublika Biełaruś).
Pieršy ŭkaz pra budaŭnictva abjekta byŭ padpisany 9 traŭnia 2008 hoda. Zhodna dakumienta šmatfunkcyjanalny hatelny kompleks płanavałasia zbudavać i ŭvieści ŭ ekspłuatacyju ŭ 2008-2011 hh. Zabudoŭščyk atrymaŭ šerah ilhotaŭ: vyzvaleńnie ad apłaty mytaŭ na nieabchodnyja dla budaŭnictva impartnyja materyjały, atrymańnie ziamielnaha nadziełu pad budaŭnictva biez aŭkcyjonu i h.d.
Paźniej termin uvodu ŭsiaho kompleksu byŭ pradoŭžany da 2015 hoda.
Pra płany zbudavać na Kastryčnickaj płoščy vysotny hatel kolki hadoŭ zajaviŭ hatelny apieratar «Kiempinski». Hetyja namiery vyklikali abureńnie ŭ admysłoŭcaŭ, jakija rascanili heta, jak pahrozu cełasnaści ansambla Kastryčnickaj płoščy i siłuetu Vierchniaha horadu.
