Sieans masavaha ŭspaminańnia 90-ch adbudziecca siońnia ŭ «Minsk-Arenie» na «Supier-dyskačy 90-ch». U Minsku prademanstrujuć svaju tvorčaść i najaŭnaść Dr.Alban, Snap!, Rednex, Brooklyn Bounce, Mr. President, 2 Unlimited, Ice MC. Ci dumali my, prostyja biełaruskija chłopčyki i dziaŭčynki, skačučy na sielskich i školnych dyskatekach pad epachalnyja It's my life i No Limit, što zmožam na ŭłasnyja vočy pabačyć i jašče patančyć pad žyvych — samich doktara Ałbana, mistera Prezidenta i dvuch tu Anlimitedaŭ?
1. Uvohule kažučy, Doktar Ałban — chaj sabie švied, chaj sabie nihieryjskaha pachodžańnia, ale adnaznačna — nie čužy nam čałaviek i navat častka piesiennaha falkłoru. Chto nie pamiataje prypieŭku-pierapieŭku: «Stop, chaładzilnik, stop, marazilnik, its maj łajf!». I kali ŭ samoj Šviecyi pra miedyka-śpievaka amal zabylisia, dyk na postsavieckaj prastory jaho pa-raniejšamu šanujuć: Ałban biezupynku kancertuje pa Rasii, nie tak daŭno naviedaŭ «Mis Biełaruś» i navat zavioŭ rasijskamoŭny błoh dla metavaj aŭdytoryi.
Kali chto zabyŭsia, doktar jon tamu, što koliś vučyŭsia na stamatołaha, ale na radaść muzyčnaj industryi i nam tak i nie davučyŭsia.
2. Hurt Snap! My možam pryhadać ich pa kampazicyjach Rhythm is a dancer, Exterminate Are you ready i viadoma pa I've got the power — jakaja hučała ŭ proćmie filmaŭ, pačynajučy ad «Hudzonskaha jastraba» z Brusam Uilisam i «Brusa Ŭsiemahutnaha» z Džymam Kiery. Pamiatajecie?
3. Tolki varta pačać «Ja-ja-je!» jak serca adkaža, «Kokodžambo, je-je-je». Viadoma, my pra zakładnikaŭ adnoj (ale jakoj!) pieśni hurt Mr.President:
4. Jeŭrapiejskich kaŭbojeŭ Rednex nielha zabyć, dziakujučy ich viečnamu ramantyčnamu lamantu Wish you will here i badzioramu techna-kantry Sotton-Eye Joe:
5. Ice MC śpiavaŭ pra rainy day, a jaho kampazicyju Think about the way my čuli ŭ kultavaj stužcy 90-ch «Žyćcio biez narkotykaŭ», vybačajcie, «Transpojtynh»:
6. Nu, i na zajedak — dva hałandskija ŭsiodazvolščyki 2Unlimited. Nahadvać pra ich, zdajecca niama patreby: No limit, The real thing, Jump for joy. Hurt nie tak daŭno ŭźjadnaŭsia ŭ pieršapačatkovym składzie, Anita Dot i Rej Słajnhaard. Praŭda viernuć nazvu, prava na jakuju naležyć adnamu z kolišnich pradusaraŭ hurtu, pakul nie ŭdałosia. Tamu tvorčy kalektyŭ užyvaje ŭ naźvie ŭsialakija markietynhavyja chitryki. Darečy, ciapier Anita zmahajecca z surjoznaj chvarobaj, tamu padtrymać jaje varta:
Takim čynam, dačakalisia! 4 červienia «Minsk-Arena». «Supier-dyskač 90-ch»: Dr.Alban, Snap!, Rednex, Brooklyn Bounce, Mr. President, 2 Unlimited, Ice MC.
Pačatak a 19-j. Košt kvitkoŭ: 90 tys. — Tancplac, 190 tys. — fan-zona )tancplac), trybuny — ad 70 da 190 tys. Tys., VIP-siektar 290 tys.
