Supracoŭnikami pravaachoŭnych orhanaŭ Kiraŭskaha rajona zatrymany 34‑hadovy hramadzianin Biełarusi, jaki pražyvaje ŭ Pieciarburhu biez rehistracyi. Biełarus padazrajecca ŭ ździajśnieńni zabojstva 57‑hadovaha žychara Branskaj vobłaści.
Frahmienty cieła zabitaha znajšli kala zakinutaha handlovaha paviljona kala doma 15 / 2 pa Kananierskomu vostravu 31 maja. Astatki byli raskładzienyja pa polietylenavych pakietach.
Pa viersii śledstva, u pačatku maja ŭ paviljonie pamiž zabitym i jaho znajomym ź Biełarusi adbyłasia svarka na hlebie złoŭžyvańnia ałkaholem. U vyniku svarki biełarus nanios svajmu sabutelniku niekalki udaraŭ nažom, ad jakich toj skanaŭ na miescy, a paśla raśpiłavaŭ cieła nažoŭkaj i raskłaŭ frahmienty pa pakietam.
Zabojca, vidać, vyrašyŭ, što milicyja nie budzie šukać trup ŭ pustym paviljonie, abo prosta nie paśpieŭ schavać ślady złačynstva. Adnak mocny trupny pach vydaŭ miesca kryvavaj raspravy.
Miascovyja žychary kažuć, što heta daloka nie pieršy trup, ad jakoha złačyncy sprabujuć pazbavicca čamuści mienavita ŭ hetym rajonie. Alena, jakaja žyvie pobač z kramaj, uzhadvaje, jak časta brała ŭ łavačcy miasnyja delikatesy. Ciapier da hetaha paviljonu nie padychodzić navat jaje sabaka.
