Niatanna, ale jak alternatyva čarnamorskim plažam Ukrainy.
Fota kavkaz-uzel.ru.
Hruzija — kraina ŭ Zakaŭkaźzi. Znachodzicca na ŭźbiarežžy Čornaha mora. Stalica — Tbilisi. U Hruzii pražyvaje bolš za 4,5 młn. čałaviek. Miažuje z Armienijaj, Turcyjaj, Azierbajdžanam, Rasijaj.
Dziaržaŭnaja mova — hruzinskaja. Bolšaść starejšaha nasielnictva razumieje ruskuju. Moładź vałodaje anhlijskaj. Pry nahodzie možna adznačyć, što vy pryjechali ź Biełarusi. Bo adnosiny da biełarusaŭ u hruzinaŭ dobryja. Vyklikana heta i tym, što my nie pryznali niezaležnaść Paŭdniovaj Asiecii i Abchazii.
Najbolš papularnyja miescy adpačynku na ŭźbiarežžy Čornaha mora — Batumi, Kabuleci, Poci, Honia, Sarpi.
Akramia mora možna naviedać hory. Varta pahladzieć na siaredniaviečnaje siało-krepaść Šacili, harady Kutaisi, Baržomi. U Hruzii — dziesiać nacyjanalnych parkaŭ, u jakich možna paznajomicca z usioj pryhažościu pryrody krainy.
Niahledziačy na ŭsie zachady hruzinskaha kiraŭnictva palepšyć umovy dla turystaŭ,
u Hruzii zastajecca nizkim uzrovień absłuhoŭvańnia i isnujuć prablemy kamunikacyi.
Kampiensujucca hetyja minusy nacyjanalnaj kuchniaj i vietlivaściu ludziej.
Znachodzicca ŭ Hruzii biełarusam možna da 90 dzion. Ale treba mieć na ŭvazie, što
ŭ krainu mohuć nie ŭpuścić pry najaŭnaści ŭ pašparcie pamiežnych štampaŭ rasijskich KPP z Abchazii i Paŭdniovaj Asiecii.
Tamu štampy treba atrymlivać nie ŭ pašpart, a na asobnaj papiercy. Taksama hruzinskija pamiežniki mohuć zapatrabavać u biełarusaŭ vizu. Ale nastojvajcie na tym, kab jany spraŭdzili infarmacyju. Viza biełarusam nie patrebnaja.
Najbolš zručna da Hruzii dabiracca na samalocie. Ź Minska jość naŭprost rejsy da Tbilisi. Daroha zojmie kala troch hadzin. Pa koštach — 260-300 jeŭra ŭ abodva baki. A ŭžo z Tbilisi možna maršrutkaj dabiracca da mora. Niazručna, bo niablizka. Ale možna pa darozie zładzić nievialikuju ekskursiju.
Numar u hateli na mory abydziecca ad 30 dalaraŭ. Tańniej možna źniać pakoj.
Adšukać biełaruskija turfirmy, jakija prapanoŭvali b adpačynak u Hruzii, nie atrymałasia. Hety nakirunak u biełarusaŭ nie karystajecca papularnaściu z-za adsutnaści infarmacyi.
Valuta — łary. 1 jeŭra – 2,2 łary. Zhodna z kursam Nacyjanalnaha banka Hruzii, za 10 tysiač biełaruskich rubloŭ dajuć 6,1 łary.
Z Hruzii ŭ jakaści suvienira abaviazkova treba pryvieźci vino, jakim słavicca kraina. Kinzmarauli, Chvančkara, Rkaceteli…
Pahladzieć pieralik krain, u jakija biełarusam nie patrabujucca vizy, možna tut. Taksama čytjcie ab Čarnahoryi.
