Novaje SIZA pavinna być pabudavanaje na ŭskrainie Minska ciaham piaci hadoŭ.
Kompleks budynkaŭ i zbudavańniaŭ śledčaha izalatara № 1 i respublikanskaj ahulnasamatyčnaj balnicy pavinien być pabudavany i ŭviedzieny ŭ ekspłuatacyju ŭ 2010–2015 hadach u pramysłovaj zonie Kaladzičy na ŭskrainie Minska. Heta praduhledžana ŭkazam prezidenta № 288 ad 7 červienia, tekst jakoha raźmieščany na sajcie Nacyjanalnaha centra pravavoj infarmacyi.
U ciapierašni čas SIZA № 1 raźmieščany ŭ centry stalicy, na vulicy Vaładarskaha. Na jaho terytoryi znachodzicca Piščałaŭski zamak pabudovy 1825 hoda.
Pavodle ŭkaza, budaŭnictva budzie ažyćciaŭlacca ŭ dva etapy paralelna z raspracoŭkaj, ekśpiertyzaj i zaćviardžeńniem nieabchodnaj prajektnaj dakumientacyi. U 2010–2011 hadach namiečana pabudavać respublikanskuju ahulnasamatyčnuju balnicu, a taksama stvaryć inžyniernuju i transpartnuju infrastrukturu da jaje. U 2012–2015 hadach — budynki i zbudavańni śledčaha izalatara i nieabchodnuju infrastrukturu.
Zakazčykam prajektavańnia i budaŭnictva kompleksu vyznačana MUS, hienieralnaj padradnaj arhanizacyjaj — AAT «Minskprambud», hienieralnaj prajektnaj arhanizacyjaj pa raspracoŭcy prajektnaj dakumientacyi na budaŭnictva budynkaŭ i zbudavańniaŭ śledčaha izalatara, a taksama inžyniernaj i transpartnaj infrastruktury da jaho — instytut «Biełdziaržprajekt».
Ukazam prezidenta Ministerstva ŭnutranych spraŭ vyzvalajecca ad viartańnia strat sielskahaspadarčaj vytvorčaści, vyklikanych zabrańniem sielskahaspadarčych ziemlaŭ dla vykarystańnia ich z metaj budaŭnictva kompleksu, inžyniernaj i transpartnaj infrastruktury, nieabchodnaj dla jaho zabieśpiačeńnia.
Zaraz Piščałaŭski zamak znachodzicca ŭ avaryjnym stanie. Jon zakansiervavany. Na hetyja pracy było vydatkavana 440 młn. rubloŭ. U suviazi z vyviadzieńniem budynku z ekspłuatacyi ŭ SIZA № 8 u Žodzinie (Minskaja vobłaść) pieraviedziena amal 900 čałaviek. U minskim śledčym izalatary ŭ ciapierašni čas utrymlivajecca amal 1.350 padślednych i asudžanych.
U suviazi z hetaj navinoj «Ježiednievnik» paviedamlaje, što jość płany pieratvaryć Vaładarku ŭ ekskluziŭny hatel. U mnohich haradach Jeŭropy staryja turmy, nieprydatnyja pa svaim pieršasnym pryznačeńni, byli pieratvorany ŭ padobnyja haścinicy.
