Stužka «Ščaście majo» atrymała hałoŭny pryz prestyžnaha rasijskaha kinafiestyvalu.
Režysior Siarhiej Łaźnica na zdymkach filma «Ščaście majo».
Ihravy debiut uradženca Baranavičaŭ Siarhieja Łaźnicy «Ščaście majo», jaki byŭ ŭklučany ŭ konkursnuju prahramu Kanskaha kinafestu, ale nie pieramoh tam, atrymaŭ hałoŭnuju ŭznaharodu na rasijskim kinafiestyvali «Kinataŭr», paviedamlaje RIA «Novosti».
Heta mietafizična-zmročny ihravy film pra kiroŭcu, jaki źbiŭsia z darohi ŭ rasijskaj pravincyi i, sutykajučysia z tutejšymi, zahłyblajecca ŭ serca zła. Film pastaŭleny va Ukrainie, na ukrainskija i niamieckija hrošy.
Siarhiej Łaźnica naradziŭsia ŭ Baranavičach u 1964 hodzie. V učyŭsia ŭ Kijevie i Maskvie, zdymaŭ stužki ŭ Rasii, z 2001 hodu žyvie ź siamjoj u Niamieččynie, ale asnoŭnyja filmy źniaŭ u Sankt-Pieciarburhu.
