Etničnyja sutyčki pierakinulisia z Oša na druhi horad poŭdnia Kirhizii — Džałał-Abad.Jak pieradajuć infarmacyjnyja ahienctvy, ad troch da piaci tysiač čałaviek tam natoŭpam vandrujuć pa horadzie, padpalvajučy chaty ŭźbiekaŭ i zabivajučy na svaim šlachu. Sa słovaŭ vidavočcaŭ, natoŭp arhanizavaŭ adzin ź plamieńnikaŭ eks-prezidenta Kurmanbieka Bakijeva Sanžar. Mienavita jon uzbroiŭ junakoŭ.
Miascovych uźbiekaŭ byli vinavacili ŭ spaleńni rodavaje chaty Bakijevych.
Sam Kurmanbiek Bakijeŭ znajšoŭ prytułak u Biełarusi. U intervju ahienctvu «Interfaks» jon stanaŭko admoviŭ svaju datyčnaść da biesparadkaŭ u Ošy, Kara-Su i Džałał-Abadzie.
Sa słovaŭ pradstaŭnikoŭ Časovaha ŭrada, lik achviaraŭ na podni Kirhizii pajšoŭ na sotni. Milicyja i armija nie prajaŭlajuć voli, kab spynić raźniu.
0
0
0
0
0
0
