Miniust pieradaŭ aktyvistu Ruchu «Za Svabodu» źviestki pra kolkaść śmiarotnych pakarańniaŭ, vyniesienych biełaruskimi sudami pačynajučy z 1990 hodu.
Pavodle infarmacyi Upraŭleńnia arhanizacyi i analityčnaha zabieśpiačeńnia dziejnaści sudovych orhanaŭ,
pik vyniasieńnia śmiarotnych prysudaŭ prypadaje na 1997‑1998 hady (adpaviedna, 46 i 47 śmiarotnych prysudaŭ),
potym nazirajecca istotnaje źmianšeńnie hetaj nieprymalnaj dla jeŭrapiejskich cyvilizavanych krainaŭ praktyki.
Ekśpierty tłumačać rezkaje źmianšeńnie vypadkaŭ vyniasieńnia śmiarotnych pakarańniaŭ biełaruskimi sudami ŭdaskanaleńniem Kryminalnaha kodeksa ŭ 1999 hodzie.
− Vialikaja kolkaść śmiarotnych prysudaŭ u 1995‑1998 hadach tłumačycca razhułam złačynnaści ŭ pačatku 90‑ch. Zvyčajna tolki praź niekatory čas, kolki hod, hučnyja spravy pa dziejnaści bujnych kryminalnych hrupovak rasśledavalisia i dachodzili da suda. Kali ŭ Kryminalny kodeks byli ŭniesieny źmieny, i sudździ atrymali mahčymaść karać 25 hadami ci davać pažyćciovaje źniavoleńnie, kolkaść vyniasieńnia śmiarotnych prysudaŭ rezka pamienieła, što, biezumoŭna, davoli pazityŭna. Ale ja liču, što Biełaruś, kab nablizicca da standartaŭ Rady Jeŭropy, musić całkam admovicca ad śmiarotnaha pakarańnia. Suśvietnaja historyja śviedčyć, što najaŭnaść u krainie śmiarotnaha pakarańnia nie źmianšaje kolkaść ciažkich kryminalnych złačynstvaŭ, − kamientuje atrymanyja ad Miniusta ličby aktyvist Ruchu «Za Svabodu», pravaabaronca Raman Kiślak.
