U Homieli abrušyłasia stolevaje pierakryćcio ŭ domie 1927 hoda pabudovy.
Jak paviedamiŭ pres‑sakratar Homielskaha abłasnoha ŭpraŭleńnia MNS Rusłan Habryloŭ, abrušeńnie adbyłosia pozna viečaram 15 červienia na trecim paviersie trochpaviarchovaha doma ŭ centry horada. Abvaliłasia pierakryćcio, jakoje padzialała haryšča i kvateru.
Paciarpiełych niama. Haspadary‑piensijaniery i ich syn u momant abrušeńnia hladzieli televizar u susiednim pakoi.
Pryčynaj incydentu staŭ praciahły termin ekspłuatacyi pierakryćcia i zališniaja nahruzka — na haryščy znachodziłasia šmat śmiećcia. Apošnim razam kapitalny ramont u domie pravodziŭsia ŭ 1943 hodzie vajennych dziejańniaŭ.
Budynak naležyć ŽEU №23. Pavodle vyvadaŭ śpiecyjalistaŭ, pahrozy žyćciu astatnim žycharam doma niama, straty apornaj zdolnaści ścien i stolevaha pierakryćcia nie adbyłosia. Stvorana kamisija, jakaja pavinna abśledavać dom i likvidavać nastupstva NZ. Paciarpiełaj siamji prapanavana časovaje žyllo z reziervovaha fondu.