Vaŭkavyski pradprymalnik Mikałaj Aŭtuchovič, asudžany na 5 hadoŭ i 2 miesiacy za zachoŭvańnie i pieravoz zbroi, abviaściŭ u minskim śledčym izalatary haładoŭku. Pra heta paviedamiŭ jaho advakat Pavał Sapiełka.
U Mikałaja Aŭtuchoviča tryvałyja prablemy z zubami, jamu patrebna pratezavańnie, ale nieabchodnuju miedycynskuju dapamohu ŭ izalatary, dzie jaho trymajuć bolš za hod, jamu nie akazvajuć. Z hetaj nahody Aŭtuchovič źviarnuŭsia da namieśnika načalnika departamienta vykanańnia pakarańniaŭ pa miedycynskaj častcy z zajavaj akazać jamu adpaviednuju dapamohu. Ale vynikaŭ hetaj zajavy niama. U Aŭtuchoviča jość padazreńni, što zajavu ŭvohule nie pieradali. Tamu ŭ znak pratestu jon abviaściŭ haładoŭku.
Pavodle Paŭła Sapiełki, Mikałaj Aŭtuchovič haładaje ŭžo druhi dzień, stan zdaroŭja jaho pakul zdavalniajučy.
