Hulnia hrupy Je pamiž Japonijaj i Danijaj była pryncypova važnaj. Pieramožca pajadynku atrymlivaŭ vakansiju ŭ płej‑of, a prajhraŭšy źbiraŭ manatki i vypraŭlaŭsia dadomu. Zrešty, Japoniju zadavalniała i ničyja.
Kamanda z Krainy ŭzychodziačaha sonca šakiravała stojkich skandynavaŭ dvuma trapnymi štrafnymi ŭdarami ŭ pieršym tajmie. Spačatku zabiŭ Kiejsukie Chonda, a potym Jasuchito Endo.
Japoncy byli nadzvyčaj spakojnymi. Jany kantralavali chod pajadynku. Ale chvilin za 10 da finalnaha śvistka paŭdniovaafrykanski arbitr uhledzieŭ parušeńnie pravił u štrafnoj japoncaŭ. Tomasan pienalci nie zabiŭ, ale ŭdała syhraŭ na dabivańnie.
Zrešty, japoncy znoŭ zrabili lik kamfortnym dla siabie. Paśla idealnaj pieradačy Chondy hoł zabiŭ Okadzaki — 3:1.
Hałandcy, jakija vykanali zadaču vychadu ŭ 1/8 finału jašče raniej, pieramahli Kamierun ź likam 2:1. U «aranžavych» adznačylisia van Piersi i Chuntułar, u «lvoŭ» adziny hoł ź pienalci zabiŭ Eto'O.
Stanovišča ŭ hrupie: Hałandyja — 9 punktaŭ, Japonija — 6, Danija — 3, Kamierun — 0.
Takim čynam, siońnia vyznačylisia jašče dźvie pary 1/8: Parahvaj — Japonija, Hałandyja — Słavakija.
