Takuju infarmacyju raspaŭsiudzili rasijskija infarmacyjnyja ahienctvy.
«Pytańnie ab ratyfikacyi Mytnaha kodeksa Mytnaha sajuza (MS) parłamient siońnia razhladać nie budzie. Hetaha pytańnia niama ŭ zaćvierdžanym paradku dnia siońniašniaha plenarnaha pasiadžeńnia siesii — apošniaha ŭ ramkach čaćviortaj siesii parłamienta», — takaja infarmacyja prajšła pa ŭsich kanałach u sieradu ŭranku.
Razam z tym, u paradak dnia było ŭklučana pytańnie pra zvarot da prezidenta z prapanovaj sklikać pazačarhovuju — piatuju — siesiju pałaty pradstaŭnikoŭ.
U Maskvie, miž tym, raźličvali, što pytańnie ab ratyfikacyi Mytnaha kodeksa MS biełaruski parłamient razhledzić siońnia. Pra heta zajaviŭ 30 červienia ministr ekanamičnaha raźvićcia Rasijskaj Fiederacyi Andrej Ślapnioŭ.
Jon nahadaŭ, što Rasija i Kazachstan užo ratyfikavali hety dakumient razam z pratakołam ab uniasieńni ŭ jaje źmienaŭ, a taksama padkreśliŭ: 1 lipienia Mytny kodeks MS ŭstupić u siłu ŭ lubym vypadku.
«Kali Biełaruś siońnia ratyfikuje Mytny kodeks Mytnaha
Nahadajem, svoj udzieł u Mytnym sajuzie Biełaruś napramuju ŭviazvaje z admienaj pošlin na rasijskija naftu i naftapradukty.
5 lipienia ŭ Astanie majuć prajści pasiadžeńnia Miždziaržaŭnaje rady JeŭrAzES i vyšejšaha orhana TS na ŭzroŭni kiraŭnikoŭ dziaržaŭ.
Raptam viečaram 30 červienia šerah ŚMI, uklučajučy RIA Novosti, sa spasyłkaj na krynicy ŭ parłamiencie paviedamili, što pałata pradstaŭnikoŭ ratyfikavała Mytny kodeks Mytnaha sajuza na zakrytym pasiadžeńni. Aficyjnyja krynicy pakul nie paćviardžajuć ratyfikacyju.