Učora ŭviečary byŭ zhulany pieršy paŭfinalny matč čempijanatu śvietu pa futbole. Siensacyjnyja ŭruhvajcy supraćstajali hałandcam.
Lik adkryŭ na 18‑aj chvilinie hulni kapitan «aranžavych» Džavani van Broncharst. Jon mocna i trapna streliŭ z‑za miežaŭ štrafnoj. Miač palacieŭ u samuju dzieviatku. Adzin z najbolš pryhožych hałoŭ čempijanatu.
U kancy pieršaha tajma Dyjeha Farłan zmoh adyhracca. Jahony ŭdar pryjšoŭsia ŭ centr varotaŭ, ale hałkipier vybraŭ nie samaje zručnaje stanovišča.
Hulnia ŭ druhim tajmie prachodziła na roŭnych, pakul hałandcy nie vyjšli napierad. Adznačyŭsia Snajder, chacia dziela spraviadlivaści adznačym, što ŭ hałandskaha napadajučaha ŭ hetym momancie byŭ afsajd.
Na kuražy «aranžavyja» zmahli zabić jašče adnojčy. Hałavoj adznačyŭsia Arjen Robien.
Uruhvajcaŭ chapiła tolki na toje, kab adyhrać adzin miač namahańniami Maksi Parejry na druhoj dadanaj chvilinie. Hałandyja pieramahła 3:2.
Supiernik «aranžavych» u finale vyznačycca siońnia padčas hulni Hiermanija — Ispanija (pačatak a 21:30).
