7 lipienia ŭ Haspadarčym sudzie Minska adbyŭsia razhlad pazovu Minharvykankama ŭ spravie likvidacyi rehistracyi adukacyjnaj ustanovy «Ruch napierad».
U.Niaklajeŭ paśla sudovaha pasiedžańnia.
«Ruch napierad» byŭ zarehistravany Minharvykankamam 10 lutaha 2010 h., ale admianić rehistracyju dziaržaŭnaja ŭstanova pasprabavała tolki zaraz. Padstavaj dla pazbaŭleńnia rehistracyi, pavodle pradstaŭnički Minharvykankama Emilii Paźniak, jakaja ačolvaje ŭ MInharvykankamie Kamitet pa likvidacyi, mielisia stać niepraŭdzivyja źviestki, padadzienyja zajaŭnikami padčas rehistracyi adukacyjnaj ustanovy.
Adnak padčas pasiedžańnia Emilija Paźniak tak i nie zmahła patłumačyć, ŭ čym zaklučajecca niepraŭdzivaść padadzienych źviestak i jakuju škodu «Ruch napierad» nanios Minharvykankamu.
Paśla niepraciahłaha razhladu spravy sudździa A.Alaškievič adchiliŭ pazoŭ dziaržaŭnaj ustanovy ŭ spravie likvidacyi «Ruchu napierad», jaki inicyjavaŭ kampaniju «Havary praŭdu».
«Heta mnie padarunak na Dzień Narodzinaŭ», — pažartavaŭ Uładzimir Niaklajeŭ paśla zaviaršeńnia pasiedžańnia. Jon taksama prakamientavaŭ infarmacyju ab kradziažy podpisaŭ, sabranych aktyvistami kampanii «Havary praŭdu» — «Jany chočuć nas zrabić bałbatunami, nieabaviazkovymi ludźmi. Mienavita tamu i skrali podpisy, jak niejkija złodziei. Adnak zaŭtra vas usich čakaje siurpryz. My jaho raskryjem padčas admysłovaj
