Litoŭski premjer prajedzie pa «histaryčnych litoŭskich ziemlach» Biełarusi na rovary 9
Andrus Kubilus naviedaje Lidu i Niaśviž.
Z 25 lipienia pa 1 žniŭnia prem'jer-ministr Litvy Andrus Kubilus u składzie viełahrupy kolkaściu 30 čałaviek prajedzie pa terytoryi Biełarusi.
Jak paviedamiła pres-sakratar premjera Jarda Paŭkštenie, litoŭcy prajeduć «darohami Vialikaha Kniastva Litoŭskaha, pa histaryčnych litoŭskich ziemlach», u pryvatnaści, praź Lidu i Niaśviž. Zapłanavanyja sustrečy ŭdzielnikaŭ viełaprabiehu z pradstaŭnikami miascovych litoŭskich supołak, naviedvańnie słužby ŭ katalickim chramie.
Razam ź litoŭskim premjeram ŭ viełapachod adpraviacca pradstaŭniki partyi «Sajuz Ajčyny — Chryścijanskija demakraty Litvy», a taksama ministr sacyjalnaj abarony i pracy Danatas Jankaŭskas i ministr ekanomiki Dajnius Krejvis.
Što tyčycca zaprašeńnia dałučycca da hrupy Alaksandru Łukašenku i prem'jer-ministru Rasii Ŭładzimiru Pucinu, jakoje Kubilus zrabiŭ padčas sustrečy z prezidentam Biełarusi ŭ Minsku 28 červienia, to jano było «pierabolšanym ŚMI», zaŭvažyła Paŭkštenie. Jano było «bolš žartaŭlivym, čym aficyjnym», dadała pres-sakratar litoŭskaha premjera. Jana nie vałodaje infarmacyjaj ab udziele ŭ mierapryjemstvie aficyjnych asobaŭ Biełarusi ci Rasii.