Praź śpiakotu na adnym z pradpryjemstvaŭ Homiela adbyłasia ŭciečka amijaku

Uciečka amijaku na pryvatnym pradpryjemstvie «Homielskaja univiersalnaja baza» była zafiksavana niedzie apoŭdni 16 lipienia.

U pamiaškańni pradpryjemstva raźmieščany čatyry kampresarnyja ŭstanoŭki dla zabieśpiačeńnia chładahienam 13 chaładzilnych kamier, u sistemie znachodzicca piać ton amijaku.

Ratavalniki, jakija prybyli na miesca nadzvyčajnaha zdareńnia, ustanavili, što ŭ kampresarnym adździaleńni z-za pavyšeńnia vonkavaj tempieratury adbyłosia paravańnie amijaku z fłancavaha złučeńnia dychalnaj armatury reziervovaj kampresarnaj ustanoŭki. Na momant incydentu raboty ŭ pamiaškańni nie pravodzilisia. Paśla taho jak spracavała sihnalizacyja, mašynisty chaładzilnaj ustanoŭki likvidavali ŭciečku.

Kolkaść amijaku, što vyjšaŭ z ustanoŭki, nie pieravysiła kiłahrama. Kancentracyja paroŭ amijaku ŭ pamiaškańni kampresarnaha adździaleńnia dasiahnuła 10-razovaha pieravyšeńnia dapuščalnaj miažy. Paśla pravietryvańnia pavietra ŭ pamiaškańni było ačyščana ad atrutnaha rečyva.

0

0

0

0

0

0

Alena Hiermanovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH