Staršynia Abjadnanaj hramadzianskaj partyi Anatol Labiedźka daŭ intervju rasijskaj haziecie «Trud».Siarod inšaha palityk vykazaŭsia adnosna padtrymki Kramla kahości ź biełaruskich apazicyjanieraŭ.
«Ni adzin biełaruski kandydat kateharyčna nie pahadziŭsia b być staŭlenikam Rasii. Ale ŭpieršyniu za 16 hadoŭ možna čakać, što Łukašenka nie budzie mieć publičnaj adkrytaj padtrymki z boku Kramla.I heta budzie novym u pracesie prezidenckich vybaraŭ. Druhoje, čaho možna čakać, — što Kreml zdymie tabu dla biźniesu na padtrymku tych ci inšych palityčnych prajektaŭ u Biełarusi.
A da apošniaha času heta było realna — biźnies nie prychodziŭ ź niejkimi surjoznymi namierami. Kali realizujucca hetyja dva faktary plus treci — kaniec manapolii Łukašenka na rasijska‑biełaruskija adnosiny, — to heta całkam novaja situacyja. Jana vielmi mocna ŭździejničaje na namienkłaturu, bo Łukašenka dziejničaje, abapirajučysia na hetuju viertykal. Da hetaha jana čutka ułaŭlivała ŭsie šorhaty z Kramla. U ich ciapier niama matyvacyi rabić niešta, kab potym naškodzić sabie».
0
0
0
0
0
0
