pra heta paviedamiŭ namieśnik hienieralnaha dyrektara Nacyjanalnaj avijakampanii "Biełavija" Ihar Čarhiniec.
"My płanujem, što heta, chutčej za ŭsio, budzie vosieńniu. Pakul ab dakładnych terminach havaryć rana. Mahčyma taksama, što heta budzie zimoj abo viasnoj 2011 hoda", - udakładniŭ jon.
Ihar Čarhiniec taksama nie vyklučyŭ mahčymaści adkryćcia ŭ chutkim časie avijarejsa Minsk - Osła.
Jon rastłumačyŭ, što z-za hieahrafičnaha stanovišča Minska dla biełaruskaj avijakampanii vielmi pierśpiektyŭnym i vyhadnym napramkam źjaŭlajecca raźvićcio tranzitnych rejsaŭ, jakija robiać pieraloty z Centralnaj Azii, Blizkaha Uschodu i Zakaŭkaźzia ŭ krainy Paŭnočnaj Jeŭropy, u pryvatnaści ŭ Skandynaviju.
Mienavita tamu niadaŭna byli adkryty dva novyja rejsy, jakija złučajuć Minsk sa Stakholmam i Tehieranam. Jak paviedamiŭ namieśnik hiendyrektara, 15 vieraśnia płanujecca adkryć avijarejs Minsk - Batumi. Zimoj 2011 hoda praduhledžana pavieličeńnie častaty rejsaŭ u Biejrut.
