Siamaška: Dakumienty pa budaŭnictvie AES padpišam u vieraśni 6

Biełaruś pakul nie płanuje stvarać z Rasijaj sumiesnaje pradpryjemstva pa zbycie elektraenierhii budučaj AES, zajaviŭ pieršy vice-premjer Uładzimir Siamaška 4 žniŭnia.

Na minułym tydni šerah ŚMI paviedamili, što Rasija admaŭlajecca padpisvać mižuradavaje pahadnieńnie ab budaŭnictvie AES da stvareńnia SP, jakoje zojmiecca prodažam elektraenierhii budučaj stancyi. Rasijski bok nibyta nastojvaje na svajoj doli ŭ SP u pamiery nie mienš jak 50%, paviedamiła ananimnaja krynica ŭ biełaruskich dziaržorhanach. Pavodle jaho słovaŭ, takim čynam Maskva raźličvaje atrymać jak minimum 50% dachodaŭ ad zbytu elektraenierhii, jakuju budzie vyrablać biełaruskaja AES u vypadku jaje budaŭnictva za košt rasijskaha kredytu.

Siamaška paćvierdziŭ, što rasijski bok adnoj z umoŭ padpisańnia pakieta pahadnieńniaŭ pa budaŭnictvie AES vyłučaje stvareńnie SP pa arhanizacyi zbytu elektraenierhii budučaj biełaruskaj AES. Razam z tym, padkreśliŭ jon, Biełaruś «nie praduhledžvaje stvareńnie SP».

Pavodle słoŭ pieršaha vice-premjera, Biełaruś raźličvaje padpisać z Rasijaj dakumienty ab budaŭnictvie AES nie paźniej čym kaniec vieraśnia. «Usie dakumienty padrychtavanyja, ale jość šerah momantaŭ, jakija majuć patrebu ŭ dadatkovym uzhadnieńni. Rasija pakul nie idzie na padpisańnie pakietnych pahadnieńniaŭ, tamu što jość nieŭrehulavanyja momanty. Jany nie składanyja, i ja dumaju, što ŭ žniŭni-vieraśni, mahčyma, my dakumienty padpišam», — paviedamiŭ žurnalistam Siamaška.

0

0

0

0

0

0

Andrej Kažamiakin, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH