Kiraŭnik UP «Brestabłsajuzdruk» Vasil Marejka ŭ adnabakovym paradku na dźvie traciny źniziŭ zamovu tyražoŭ haziety «Brescki kurjer».
Pa słovach redaktara vydańnia, kiraŭnik UP «Brestabłsajuzdruk» vyrašyŭ takim čynam «pakarać» kalektyŭ haziety za samavolstva ŭ pošuku inšych šlachoŭ raspaŭsiudu vydańnia.
«U vyrašeńni pytańniaŭ realizacyi i znachodžańnia alternatyvaŭ my ni ŭ jakim vypadku nie mieli namieru vychodzić z partniorskich stasunkaŭ z «Brestabłsajuzdrukam». Našyja damoŭnyja stasunki ź inšymi handlovymi sietkami Bresta abumoŭlenyja tym, što praź ich hazieta prychodzić da čytačoŭ u toj ža dzień, kali drukujecca ŭ drukarni. A «Brestabłsajuzdruk» dastaŭlaje našyja tyražy ŭ svaje handlovyja kropki zvyčajna tolki na nastupny dzień», - adznačaje Alaksandraŭ.
U hetym ža vypadku, ličyć redaktar «Bresckaha kurjera», atrymałasia, što Marejka vystupiŭ svajho rodu «cenzaram», abmiežavaŭšy dostup da infarmacyi dla niemałoj častki čytačoŭ. Sproby vyrašyć hetaje pytańnie šlacham pieramovaŭ nie ŭviančalisia pośpiecham.
