Abjom tranzitu pa terytoryi Biełarusi pierasiahnuŭ dakryzisny ŭzrovień. Ab hetym siońnia paviedamiŭ žurnalistam namieśnik staršyni Dziaržaŭnaha mytnaha kamiteta Biełarusi Leanid Dosaŭ.
«Siońnia ŭ nas maksimalnyja paramietry pa tranzitu za apošnija 15–20 hadoŭ. U paraŭnańni z 2008 hodam my vyjšli pa ŭsich pakazčykach tranzitu pa terytoryi Biełarusi na maksimalny dakryzisny ŭzrovień i navat krychu pieravysili jaho»,— paviedamiŭ Leanid Dosaŭ. Jon taksama adznačyŭ, što pavieličeńniu tranzitu sadziejničaje dobra raźvitaja mytnaja infrastruktura pa ŭsioj hranicy, chutkaje mytnaje afarmleńnie i pravilnaja łahistyka.
«Da kryzisu transpart časam nasupierak łohicy ruchaŭsia ŭ abychod Biełarusi. Siońnia hetaha niama. Samaja blizkaja adlehłaść ad Zachodniaj Jeŭropy ŭ centr Rasii — praź Biełaruś. I my ličym, što ŭ nas jość usie mahčymaści pa pavieličeńniu tranzitu pieravozak», — padkreśliŭ namieśnik staršyni DMK.
0
0
0
0
0
0
