Słova — nie vierabiej
15 žniŭnia 2010 h. u adnoj z kvateraŭ doma 24 pa vuł. Łyńkova dvoje mužčyn i žančyna raśpivali śpirtnoje. Jak časta byvaje, paśla ładnaj kolkaści pryniataha na hrudzi śpirtnoha pamiž mužčynami ŭźnikła svarka, padčas jakoj haspadar kvatery raptam schapiŭ kuchonny nož i ŭdaryŭ im u žyvot svajho niadaŭniaha sabutelnika. Ad atrymanaha ranieńnia hość nieŭzabavie pamior.
Narad Frunzienskaha adździeła achovy ŭ składzie praparščyka milicyi Fiodara Saroki i staršaha siaržanta milicyi Juryja Sajeviča, jaki patrulavaŭ vulicy stalicy, atrymaŭ infarmacyju ab ździejśnienym zabojstvie. Nieŭzabavie milicyjanty zatrymali raniej užo sudzimaha za zabojstva hramadzianina, jaki paźniej rastłumačyŭ, što hetym razam čałavieka zabiŭ praz toje, što toj nietaktoŭna adazvaŭsia pra jaho sužycielnicu.
Pa dadzienym fakcie Frunzienskim RUUS h. Minska raspačataja kryminalnaja sprava pa č.1 art. 139 (zabojstva) Kryminalnaha Kodeksa Respubliki Biełaruś.
Siamiejny padrad
Ranicaj 13 žniŭnia 2010 h. dziažurny pieradaŭ u efir: hrupie zatrymańnia Frunzienskaha adździeła achovy terminova vybyć na vuł. Prytyckaha, 42. Da prybyłych na miesca zdareńnia praparščyka milicyi Andreja Samusieviča i staršaha siaržanta milicyi Dźmitryja Kabylanca źviarnułasia žančyna, jakaja stała achviaraj rabavańnia. Dvoje małojčykaŭ vyrvali ŭ jaje sumku z kaštoŭnaściami i ŭciakli. Atrymaŭšy prykmiety rabaŭnikoŭ i kirunak, u jakim jany schavalisia, supracoŭniki milicyi vyklikali na dapamohu jašče adnu patrulnuju hrupu zatrymańnia ŭ składzie siaržantaŭ milicyi Juryja Tkačenki i Alaksandra Sieŭruka i pačali adpracoŭvać vulicy ŭ napramku, u jakim schavalisia złačyncy. Pa prykmietach naradami achovy byli zatrymanyja dvoje maładych ludziej, 1989 i 1994 h.n. (jak paźniej vyśvietliłasia — braty), jakija praź niekalki chvilin paśla pieršaha ŭdałaha rabavańnia pasprabavali adabrać sumačku jašče ŭ adnoj minački. Ciapier braty, jakija naŭrad ci spynilisia b na dasiahnutym, znachodziacca pad vartaj, čakajučy sudu.
Pa dadzienym fakcie Frunzienskim RUUS h. Minska raspačataja kryminalnaja sprava pa č.2 st.206 (rabavańnie) KK RB.
Pjanstvu — nie
U ramkach respublikanskaj akcyi «Pjanstvu — nie» 12 žniŭnia 2010 h. supracoŭnikami Frunzienskaha adździeła achovy i Frunzienskaha RUUS h. Minska było arhanizavanaje rejdavaje mierapryjemstva, padčas jakoha milicyjanty dla adpracoŭki apieratyŭnaj infarmacyi vyjazdžali ŭ viosku Studzienka Smalavickaha rajona Minskaj vobłaści. Padčas mierapryjemstva zatrymanaja miascovaja žycharka, što pradavała vyrablenyja joju samahon i vino. Tut ža byli vyjaŭlenyja samahonny aparat i narychtavanaja braha. Usiaho ŭ Studziency było vyjaŭlena kala 100 litraŭ śpirtaźmiaščalnaj vadkaści.
Pa darozie supracoŭniki milicyi zazirnuli ŭ miascovuju praduktovuju kramu. Jak vyśvietliłasia, nie daremna. Byŭ vyjaŭleny šerah parušeńniaŭ antyałkaholnaha zakanadaŭstva: pradaviec realizoŭvaŭ vino bieź siertyfikataŭ jakaści, da taho ž praterminavanaje.
Ciapier parušalnikam daviadziecca vypłacić salidnyja štrafy.
Viarnuli hrošy… dla vypłaty štrafu
Niaŭmolnaja statystyka śviedčyć ab tym, što achviarami złačynstvaŭ čaściej za ŭsio robiacca biesturbotnyja hramadzianie, upeŭnienyja, što zvodki ab ździejśnienych złačynstvach nijak nie źviazanyja ź ich žyćciom.
Tak zdaryłasia i z adnym z hramadzian stalicy. Atrymaŭšy doŭhačakany zarobak, jon vyrašyŭ, što heta dobraja nahoda rassłabicca. Nie raźličyŭšy z kolkaściu pryniataha śpirtnoha, da viečara jon zasnuŭ na łavačcy. Pastavy milicyjant, jaki nios słužbu niedaloka ŭ adździaleńni banka, zaŭvažyŭ, jak da «stomlenaha» mužčyny padyšli chłopiec ź dziaŭčynaj i vyciahnuli ŭ jaho niejki pradmiet. Prybyły na vyklik na praciahu troch chvilin narad hrupy zatrymańnia Frunzienskaha adździeła achovy nieŭzabavie pa prykmietach zatrymaŭ paru. Heta akazalisia raniej sudzimy za kradziež małady čałaviek, jaki nidzie nie pracavaŭ, i dziaŭčyna, što była ŭ dekretnym adpačynku. Jany skrali ŭ mužčyny mabilny telefon i 250 tys. rubloŭ.
Pa dadzienym fakcie Frunzienskim RUUS h. Minska raspačataja kryminalnaja sprava pa č.2 st.205 (kradziež) KK RB.
Darečy, paciarpieły taksama byŭ pryciahnuty da adkaznaści, ale tolki administracyjnaj — za źjaŭleńnie ŭ hramadskim miescy ŭ pjanym vyhladzie.
