Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, DTZ adbyłosia 25 žniŭnia, a druhoj hadzinie nočy na adnoj z vulic vioski Stryhiń.
Raspačata sprava na padstavie č. 2 art. 317 Kryminalnaha kodeksa (parušeńnie praviłaŭ darožnaha ruchu abo ekspłuatacyi transpartnych srodkaŭ). Ustanoŭlena, što zahinuły nie byŭ abaznačany śviatłoadbiŭnymi elemientami.
Z pačatku hoda ŭ vobłaści heta dzieviataje takoje DTZ, paviedamiła Sacharčuk. U ich zahinuli piaciora čałaviek, čaćviora atrymali traŭmy. «U asnoŭnym heta maładyja ludzi va ŭzroście ad 17 da 30 hadoŭ. Bolšaść ź ich znachodzilisia ŭ stanie apjanieńnia. Im stanaviłasia drenna abo jany prosta zasynali na darozie», — dadała pradstaŭnik DAI.
U 2010 hodzie ŭ Bresckaj vobłaści zarehistravana 65 DTZ pa vinie piešachodaŭ (na 24 mienš u paraŭnańni z anałahičnym pieryjadam 2009 hoda). 17 čałaviek zahinuli (na šeść mienš), 47 atrymali traŭmy roznaj stupieni ciažkaści (na 21 mienš). Amal u kožnym trecim takim DTZ vinoŭnik avaryi byŭ niećviarozy.
