Kiraŭnik konnaj palicyi Vilni adpuščany na volu 1

Prezident Litvy zahadzia viedała pra budučaje vyzvaleńnie.

Rotny kamandzir municypalnaj konnaj palicyi pry Vilniuskim hałoŭnym kamisaryjacie Łajmanas Bankaŭskas, paŭtara tydnia tamu zatrymany ŭ Biełarusi, adpuščany na volu. Pra heta paviedamlaje Centr infarmacyi i hramadskich suviaziaŭ (CIHS) KDB Biełarusi.

«Hramadzianin Litvy Łajmanas Bankaŭskas vyzvaleny z-pad varty śledčym terytaryjalnaha orhana KDB Respubliki Biełaruś u adpaviednaści z č. 4 art. 119 Kryminalna-pracesualnaha kodeksa Respubliki Biełaruś pavodle ŭzhadnieńnia z prakuraturaj Hrodzienskaj vobłaści», — havorycca ŭ paviedamleńni CIHS, raźmieščanym na sajcie KDB.

Bankaŭskas byŭ zatrymany 16 žniŭnia ŭ Ašmianach (Hrodzienskaja vobłaść). U jaho znajšli 45,5 hrama amfietaminu. Bankaŭskas padazravaŭsia ŭ parušeńni artykuła 228 Kryminalnaha kodeksa Biełarusi (kantrabanda) i artykuła 108 Kryminalna-pracesualnaha kodeksa Biełarusi (zatrymańnie pa niepasredna ŭźnikłym padazreńni va ŭčynieńni złačynstva). Litoŭski palicejski ŭtrymlivaŭsia ŭ śledčym izalatary Hrodna.

Bankaŭskas admaŭlaŭ svaju vinu. Svajaki śćviardžajuć, što narkotyki jamu padkinuli.

19 žniŭnia prezident Litvy Dala Hrybaŭskajcie vykazała nadzieju na toje, što «kiraŭnictva Biełarusi, razumiejučy dalikatnaść situacyi, zabiaśpiečyć chutkaje i abjektyŭnaje rasśledavańnie». «Hety incydent nie pavinien nanieści škodu raźvićciu dvuchbakovych stasunkaŭ pamiž krainami», — padkreśliła Hrybaŭskajcie.

Siońnia raniej u časie sustrečy z pasłami Hrybaŭskajcie dadała, što čakaje «dobrych navinaŭ» ź Biełarusi adnosna Bankaŭskasa.

0

0

0

0

0

0

Alaksiej Areška, BiełaPAN; SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH