Biełaruś prajaŭlaje zacikaŭlenaść u mahčymym udziele ŭ zdabyčy nafty na terytoryi Hambii, zajaviŭ kiraŭnik ministerstva zamiežnych spraŭ Siarhiej Martynaŭ.
«U Biełarusi ułasnych baz karysnych vykapniaŭ mała i nas cikavić usio, što nieabchodna dla pramysłovaści. Asablivuju cikavaść pradstaŭlajuć u Hambii apošnija pošuki ŭ halinie zdabyčy nafty», — zajaviŭ Martynaŭ. Akramia ŭdziełu ŭ asvajeńni karysnych vykapniaŭ Biełaruś taksama prapanuje Hambii stvareńnie zboračnych vytvorčaściaŭ biełaruskaj techniki.
Varta adznačyć, što Hambija ŭ roŭnaj z aficyjnym Mienskam stupieni zacikaŭlena ŭ supracoŭnictvie ź Biełaruśsiu.
«U našaha prezidenta vielmi dobraje staŭleńnie da Łukašenki. Jon (prezident Hambii) staŭ prezidentam u 1994 hodzie, jak i Łukašenka «, — nahadaŭ hambijski ministr.
Jon taksama rekamiendavaŭ Martynavu pamienš čytać toje, što piša pra Hambiju zamiežnaja presa.
«Vielmi časta toje, što pišuć u hazietach i toje, što jość u realnaści, nie adpaviadaje adno adnamu. Naš prezident ličyć, što kali nasielnictva ščaślivaje — heta dobra, kali
Jon taksama adznačyŭ, što Hambija «nie źbirajecca prosta iści i prasić kredyt», a choča raźvivać adnosiny ź Biełaruśsiu na ŭzajemavyhadnych umovach.
