Historyki dahetul nie vyznačylisia, chto pieršy vykarystaŭ na praktycy butelku z zapalnaj sumieśsiu. Pravy na vynachodnictva hetaj zbroi asprečvajuć kubincy, ispancy, finy i rasijcy.
Pa viersii kubinskich historykaŭ, plaški z zapalnaj sumieśsiu ŭpieršyniu vykarystali na Kubie naprykancy XIX st. u vajnie za niezaležnaść ad Ispanii. Nazyvajecca navat dakładnaja data — 20 lipienia 1895 h. U svaju čarhu ispancy nastojvajuć, što pieršaja «bienzinavaja bomba» była ŭžytaja suprać tankaŭ respublikanskaj armii ŭ Ispanii, u 1936 h. u časie hramadzianskaj vajny. Finskija historyki kažuć, što toj «kaktejl Mołatava», jaki siońnia viedaje ŭvieś śviet, prydumaŭ ichni vajskoviec. Pry hetym finy pa-džentlmiensku adznačajuć, što ŭ časie pracy ŭličvaŭsia vopyt ispanskaj «bienzinavaj bomby». Pretendujuć na stvareńnia ahniavoha kaktejlu i rasijcy.
Nazvaj kaktejl abaviazany savieckamu kamisaru Viačasłavu Mołatavu. U časie saviecka-finskaj vajny Chielsinki mocna paciarpieŭ ad bambardavańniaŭ. Mołataŭ ža zajaŭlaŭ u časie radyjovystupaŭ, što na finskuju stalicu syplucca nie zapalnyja bomby, a pakunki z charčam. Z hetaha času savieckija bomby pačali nazyvać «chlebnicami Mołatava», a butelki z zapalnaj sumieśsiu, jakimi finy padpalvali savieckija tanki, — «kaktejlem Mołatava». Na hetuju nazvu pretendavali i savieckija historyki, jakija ličyli, što tak nazyvali ŭłasnyja anałahi «kaktejlu».
«Kaktejl Mołatava» — plaška, napoŭnienaja zapalnaj sumieśsiu. Pierad vykarystańniem korak (čaściej z kavałku anučy), padpalvajecca. Plaška kidajecca ŭ abjekt ataki, raźbivajecca. Vadkaść raźlivajecca i ŭspychvaje.
Tanny i prosty ŭ vykarystańni «kaktejl Mołatava» praz hetyja jaho charaktarystyki časta nazyvajuć zbrojaj biednych. Najpierš jon vykarystoŭvajecca suprać bronietechniki. Adnak sučasnaja tankavaja technika, jak i zbroja suprać siabie, značna ŭdaskanalilisia, tamu ŭ pramysłovych maštabach plaški z zapalnaj sumieśsiu pierastali vypuskać. «Kaktejl Mołatava» pa-raniejšamu zastajecca zbrojaj vuličnych demanstrantaŭ pa ŭsim śviecie.
